architect dipl FH/SIA
Jon Armon Strimer ha, sco manader da l’affar, imprais bod da tour mincha di sco nouva sfida. Seis interess persunal per l’art da la construcziun e la logica da fabrichar sun dumandats pro mincha incumbenza e tilla inrichischan. Sia lavur es marcada da soluziuns bain ponderadas. La vasta diversità da sia lavur dà perdütta dad incletta per tuot ils partecipats. Davo avair absolt il giarsunadi da disegnadur da construcziun ota in l’affar da seis genituors, ha el terminà cun success il stüdi dad architectura a la scoula ota zürigaisa a Winterthur (ZHW). Lura ha’l lavurà duos ons i’ls contuorns da San Galla, ingio ch’el ha das-chü far in prüma lingia lavur teoretica dad architect. Plü tard ha’l lavurà ün on a San Murezzan, ingio ch’el es stat ingaschà sco manader da fabrica. Daspö il 2000 è’l impiegà pro la ditta Strimer architects SA ad Ardez ch’el maina daspö il 2006.I'l fratemp ha Jon Armon Strimer maridà ed es bap da duos uffants.