la soluziun cumpletta per Lur proget da fabrica in Engiadina Bassa | mansteranza indigena | ün partenari impegnativ per tuot las lavurs | soluziun individuala

Nus ans ingaschain in nos büro d’architectura, chi exista daspö plü da 50 ons, per realisar fabricats in Engiadina Bassa. Nouv es cha nus spordschain ad Els üna soluziun cumpletta. Els nun han da’s confuonder cun tuot las trattativas parzialas, perquai cha cun nus han Els ün unic contrahent chi s’occupa da tuot. Tenor nossas experienzas esa stantus per noss patruns da fabrica da trattar adüna darcheu cun minchün dals contrahents partecipats a la fabrica. Pro ün proget normal da fabrica vegnan conclüs raduond 20 contrats d’execuziun da lavurs. Minchün da quists contrats cumpiglia ris-chs e quists van suvent a charg dal patrun da fabrica.

Nus spordschain ad Els sco patruns da fabrica üna soluziun professiunala cumplessiva, cun quai cha nus eschan l’unic contrahent. Nus stipulain ils contrats culs mansterans, planisain, administrain ed organisain ils differents andamaints da lavur fin a la fin gratiada da las lavurs. Nus fain quista sporta pustüt per incumbenzas plü pitschnas. Chi saja per sanaziuns energeticas, ün müdamaint dal bogn, üna transfuormaziun dals locals interns, üna renovaziun da fatschada etc. Nos büro d’architectura Tils spordscha üna soluziun cumplessiva e Tils accumpogna fingià culla prüma skizza. Nus eschan adüsats da far las proceduras da permiss, cugnuschain las ledschas ed ans ingaschain per Els e per ün proget da fabrica optimal. Nossa squadra dad ot persunas es versada in differentas spartas. Plünavant eschan nus jent pronts da tour incunter intimaziuns sco aignas prestaziuns o eir dad accumpagnar ad Els parzialmaing. Sch’Els giavüschan d’ingaschar mansterans cuntschaints ad Els, pon eir quists gnir resguardats. Per nus esa important da chattar per noss patruns da fabrica üna soluziun chi va a prà cul proget da fabrica.